ආර්ථිකය නළවන මත්ද්‍රව්‍ය

ආර්ථිකය නළවන මත්ද්‍රව්‍ය 

ගෝලීයකරණයේ ප්‍රතිඵලයක් ලෙස වර්තමාන සමාජය දියුණුය. සමාජය දියුණු වීමත් සමඟ  ඒ හා බැදී පවතින ආර්ථිකය ක්‍රමයෙන් දියුණු වේ. ආර්ථිකය අංශ ගණනාවකින් සමන්විත වන අතර මෙරටට ආර්ථිකය නඟා සිටුවීමට විශාල මෙහෙයක් සිදු කරන මත්ද්‍රව්‍ය ගැන කතා නොකරම බැරිය.

   මත්ද්‍රව්‍ය වූ කලී වියසනයකි. ජීවත වනසන , මිනිස් සබඳතා තුරන් කරන්නා වූ එකී මාරයා මඟින් මෙරට ආදායම ඉහළ නංවා ගැනීමට මහත් රුකුලක් සේ බලවතුන් එය මෙහෙයවයි. මෙහි ඇති ජනප්‍රියත්වය හේතු කොටගෙන ගම් නියම්ගම් සිසාරා මෙහි ඇති ප්‍රතිඵල සියල්ලෝම අත්විඳි. 

  මෙරට සෑම කටයුත්තක්ම කිරීමට පෙරාතුව මත්ද්‍රව්‍ය මුල්කරගෙන සිටියි. ඕනෑම උත්සව අවස්ථාවක අනිවාර්ය අංගයක් වනුයේ මත්වතුරයි. මෙය නැතිනම් එය උත්සවයක් නොවන තරමටම සමාජය මේ සඳහා හැඩගැන්වී ඇත. එමෙන්ම බොහෝ පුද්ගලයන් තම කායික, මානසික වෙහෙස විඩාව දුරු කරගැනීමේ උත්තේජකය ලෙස මත්ද්‍රව්‍ය භාවිත කරයි. මෙහි ඇති අතුරු ප්‍රතිඵල රාශියකි. එනම් පවුල් ජීවිත කඩාකප්පල් වීම, රිය අනතුරු ඉහළ යාම, ලිංගික බෙලහීනතාවය ආදී සිදුවීම් රැසකට මග පාදන මූලිකාංගයක් ලෙස මත්ද්‍රව්‍ය හැඳින්විය හැකිය. 

   තත්වය මෙසේ වුවත් මෙරටින් මත්ද්‍රව්‍ය තහනම් කිරීමට කිසිදු වැඩපිළිවෙළක් නොගනී. කිසිදු බලධාරියකු විසින් මේ පිළිබඳව කෙළින් කතා කිරීමට මැළි වෙයි. මන්ද රට මේ තරම් හෝ තත්වයක පවතින්නේ මත්ද්‍රව්‍යවලින් ලැබෙන ආදායම හේතු කොටගෙන බැවිනි. ඇතැම් නිලධාරීන් සුරසැප භුක්ති විඳිනු ලබන්නේ මෙමගින් ලැබෙන ආදායම හේතුවෙනි. මෙමඟින් දැඩි ලෙස පීඩාවට පත් වන්නේ අසරණ ජනතාවයි. මෙහි ඇති පෙළඹවීමත් සමඟ වර්තමානයේ තරුණ පිරිස ද මේ සඳහා ලොල් වී ඇත. පාසල් වයසේ සිටම කුඩු, ගංජා සඳහා ළමුන් තුළ ප්‍රවනතාවක් දක්නට ලැබෙයි.

   ඇතැම් පිරිස් පවතින ගැටලු හේතුවෙන් මත්පැන් පානය කරනු ලබයි. එවිට එය නිරාකරණය වනවා යැයි ඔවුන් සිතිය හැකිය. මෙම මත්ද්‍රව්‍ය සඳහා වර්තමානය වනවිට විස රසායනික දෑ එක් කර ඇති බවට කතාවක් පැතිරේ. කුමන දේ සිදුවුවත් මෙහි වර්ධනය වළකාලිය නොහැකිය. අධික මිල ගණන් යටතේ පිටරටින් මෙරටට ආනයනය කරනු ලබන මත්ද්‍රව්‍ය අත යටින් අනෙකාට මාරුවන සමාජයක අප ජීවත් වෙති. මේ පිළිබඳව කතා කිරීමට කිසිවෙකු ඉදිරිපත් නොවෙති. සියල්ලෝම ඇත්ත වසන් කොට බොරුව උද්දීපනය කොටගෙන ජීවත් වෙති. 

   යමෙකු මෙහි ඇත්ත හෙළිකලොත් ඔහුට සිදු වනුයේ ඇතැම්විට තමා සිටින ප්‍රදේශයෙන් අතුරුදහන් වීමට ය. මේ හේතුවෙන් කිසිවෙක් කිසිවක් හෙළිදරව් නොකරයි. කෙසේවෙතත් මෙකී මත්ද්‍රව්‍ය සමාජයට අහිතකරය. මෙය පාලනය කළයුතුය. කෙතරම් හංවඩු ගැහුවද කෙතරම් මාධ්‍ය මඟින් දැනුවත් කිරීම් සිදු කළද මෙහි ඇති අඩුවීමක් දක්නට නොලැබෙයි. දවසින් දවස මෙහි වර්ධනය පෙන්නුම් කරනු ලැබෙයි. මෙය යම්තාක් දුරකට හෝ සමනය කර අනාගත පරපුර මෙම ඛේදවාචකයෙන් ගලවා ගැනීමට පියවර ගත යුතුය. බලධාරීන් මේ පිළිබඳව මීට වඩා අවධානය යොමු කල යුතුය.

වයි.ජී.විජයසිංහ
HS/2015/1138
(මුද්‍රිත මාධ්‍ය)

Suicide මාෆියාවක් ද?

Suicide මාෆියාවක් ද?

    "Suicide" වචනය ඇසීමත් සමඟ මරණය පිළිබඳ ආකල්පයක් ගොඩනැගේ. Suicide යනු එක්තරා වූ මරණයට පත් වෙන කලාවකි. වර්තමානය වනවිට මෙය thrend එකක් බවට පත් වී ඇත. සිදුවන කුමන හෝ ගැටලුවකට එකම විසඳුම් කාරකය "suicide" බවට සමාජයේ ආකල්පය පටු වී ඇත.

 පැරණි සමාජය තුළ මරණයක් සිදු වී ඇති බව ආරංචි වුවත් තැතිගැම්මකට ලක් වේ. පැරණි සමාජය තුළ තමා විසින් තමාවම මරණයට පත් කර ගැනීමක් අසන්නට දකින්නට ලැබුණේ කලාතුරකිනි. නමුත් වර්තමානයේ එය සතර දිගින් ඇසෙන කතාවක් බවට පත් වී හමාරය. මෙලොව වෙසෙන සියල්ලෝම මනුෂ්‍ය වැසියෝ ය. ජීවිතය ජීවත් කරවීමට යන ගමනේදී ඔවුන්ට නොයෙක් කරදර , කම්කටොලු , බාධක හමුවේ. එවැනි දෑ සඳහා සාර්ථකව මුහුණදෙනවා වෙනුවට එයට විසඳුම ලෙස suicide කරගැනීම අගනේ ද? එසේ කරගැනීම තුළ එම ගැටලුවට විසඳුමක් ඇත්තේ ද?

  "Suicide" කරගැනීමට එකහෙළා බලපානු ලබන්නේ ක්ශණික තීරණ හෝ හැඟීමක් ය. එය පුද්ගල මනසට එනු ලබන්නේ බොහෝ දුරට ජනමාධ්‍ය හරහා විකාශනය කරනු ලබන විවිධ වැඩසටහන් ය. එනම් සිනමා පටයකින් හෝ ටෙලිනාට්‍යයකින් හෝ පෙන්වන දෑ නූතන මිනිසා අනුකරණය කරයි. එහි ප්‍රතිඵලයක් ලෙස suicide කරගැනීම සමාජගත වී ඇත. පසුගිය දින කිහිපය තුළ රට තුළ suicide මරණ කෙතරම් ප්‍රමාණයක් වාර්තා වුණිද? බොහෝ සිදුවීම් ප්‍රේම ආරවුල් මුල් කර ගැනීමෙන් වූ බව පැහැදිලිය.

    ඇත්තෙන්ම suicide කරගනු ලබන්නේ එක් පුද්ගලයෙක් විය හැකිය. නමුත් ඒ තුළ තව කීදෙනෙක් විඳවනවා ඇත් ද? මෙවැනි පටු ක්‍රියාවන් සඳහා යොමු වීමට පෙර දෙපාරක් සිව්පාරක් දසපාරක් වුවද සිතිය යුතුය. මෙමඟින් අන් මිනිසුන් කෙතරම් අසරණ වෙනවාද?

    කෙසේවෙතත් වර්තමානය වනවිට suicide මාෆියාවක් වී හමාරය. ඉන් ගැලවීමට නොහැකිය. ගැලවීමට වුවමනා කළද සමාජය විසින් එය කිරීමට ඉඩ නොදෙයි. ඇතැම් වැඩසටහන් හරහා suicide කර ගැනීම step by step පෙන්නනු ලැබෙයි. මෙමගින් ද පුද්ගලයා ඒ කෙරෙහි ආරෝපණය වෙයි. සමාජ ජාල ඔස්සේ suicide කරගැනීමේ සිදුවීම් ඕනෑතරම් ය. එය පරිහරණය කරනු ලබන පුද්ගලයන් ඇතිවෙන පොඩි ප්‍රශ්නවලට පවා විසඳුම ලෙස සිය දිවි හානි කරගනු ලබයි. විශේෂයෙන්ම මෙම අර්බුදයට මුහුණ  දෙනු ලබන්නේ තරුණියන් හා මැදි වයසේ සිටින්නන් ය. මින් බහුතරයක් පාසල් ළමුන් ය. බොහෝ suicide සිද්ධීන් වාර්තා වන්නේ දෙසැම්බර් හෝ සැප්තැම්බර් මාසවලය. එනම් විභාග අසමත් වීම් හේතුවෙනි. ළමා මනස කෙතරම් අවධානමකට ලක් වී ඇත්ද? මෙය ක්‍රමයෙන් වෙනස් කළයුතුය. ඒ සඳහා සැවොම සහාය වියයුතුය.

  Suicide යනු භයානක ඛේදවාචකයකි. වර්තමානය වනවිට එය සාමාන්‍යකරණයට ලක් වී ඇති බැවින් මිනිසුන් ඒ පිළිබඳව වැඩි අවධානයක් යොමු නොකරයි. නමුත් මෙවැනි අකල් මරණ දිගින් දිගටම වාර්තා වුවහොත් රටට අත්වන ඉරණම කුමක්ද? එබැවින් මෙම මාෆියාව රටින් තුරන් කිරීමට ක්‍රමයෙන් පියවර ගත යුතුය.

වයි.ජී.විජයසිංහ
HS/2015/1138
(මුද්‍රිත මාධ්‍ය)

දුම්රිය අතවරය

දුම්රිය අතවරය

  ලෝකයේ ප්‍රවාහන පහසුකම් සඳහා ඇති එක් මාර්ගයක් වනුයේ දුම්රියයි. අදවනවිට දුම්රිය ප්‍රවාහනය සමාජයට අවශ්‍යම මූලිකාංගයක් බවට පත්ව ඇත. එය ඇනහිටියහොත් සියලු කාර්යන් නැවතේ. ඒ තරමටම දුම්රිය සමාජයට අවශ්‍ය වූවකි. සියල්ලෝම දුම්රියේ ගමන් කරති. එහි සේවාව භුක්ති විඳිති.

   වර්තමාන සමාජයේ දුම්රියේ ගමන් කරන පිරිස අතිමහත්ය. උදෑසනක දුම්රියේ නැඟී කොළඹට යෑම අතිශය දුෂ්කර ක්‍රියාවකි. ඒ තරමටම බොහෝ මිනිසුන් ප්‍රමාණයක් එහි ගමන් කරයි. මෙහිදී කාන්තාවකට ගමනාන්තය තෙක් ආරක්ෂාකාරීව ගමන් කළ හැකිද? උදෑසන දුම්රියක බොහොමයක් ගමන් කරනු ලබන්නේ කාන්තාවන්ට වඩා පිරිමින් ය. දුම්රියේ ප්‍රමාණයට වඩා මිනිස් ප්‍රමාණය ඉහළ ය. කෙසේ හෝ උදෑසනම එන දුම්රියේ නැඟී තම රාජකාරියට වාර්තා කිරීමට ඔවුන්ගේ එකම අභිප්‍රාය වෙති. එහිදී ගැහැනු පිරිමි භේදයකින් තොරව සියල්ලෝම එකට ගැටී යාමක් අද දක්නට ලැබේ. මෙහිදී කාන්තාවකට වෙන හිංසනය කෙබඳුද? රාජකාරිය සඳහා යන මිනිසුන් අතර සමහර අසහනකාරී මිනිසුන්ද ගමන් කරති. ඔවුන් අවස්ථාවෙන් ප්‍රයෝජන ගනි. තදබද වී යන දුම්රිය තුළ කාන්තාවව අපහසුතාවට ලක් කරයි. එහිදී ඇයට මුහුණදීමට සිදුවන බලපෑම ඛේදජනක ය. කෙසේ හෝ එම දුම්රියේම ගමන් කළයුතු බැවින් ඇය ද එය ඉවසා දරා සිටිති.

 මෙවැනි වූ ඉරණමකට සමාජය පත්ව ඇත්තේ ඇයි? පිරිමිකම රඳා පවතින්නේ මෙවැනි ක්‍රියා මත ද? බොහෝවිට දුම්රිය තුළ සිදු වන්නේ කාන්තාව මානසික වශයෙන් අතවරයට ලක් කිරීමයි. තදබදය හමුවේ සහ කාන්තාව ඉදිරියේ ඔවුන්ගේ හැඟීම් උද්දීපනය වෙයි. මෙය අයහපත් ක්‍රියාදාමයකි. ඇතැම්විට කාන්තාවට එය නොදැනුනා සේ තම සිතින් විදවමින් ගමන් කරයි. ඇතැම් විටෙක එවැනි මිනිසුන්ට දුම්රිය තුළදීම පහර කෑමට සිදු වූ අවස්ථා ද දක්නට ඇත. මෙවැනි ක්‍රියාදාමයන්ට පෙළඹීමට තරම් පිරිමි සිත පහත් ද යන්න හැඟීමක් මෙවන් ක්‍රියාදාමයන් තුළින් අපට සිතේ.

     දුම්රියට නැඟීමට හෝ බැසීමට යාමේදී ද සිදුවන්නේ ඇතැම් පුද්ගලයින්ගේ විවිධ ක්‍රියාවන්ට මුහුණ දීමට ය. උදෑසන දුම්රියක පාසල් ළමුන් , කුඩා දරුවන් බෙහෙවින් ගමන් කරනු ලබති. ඔවුන්ට ද ඇතැම් විටක මෙවැනි ක්‍රියාවන් ඇස ගැටේ. එහිදී පිළිකුලක් ඇතිවීම සාමාන්‍ය දෙයකි. නමුත් මෙම ඛේදනීය තත්වය නවතා දැමිය යුතුය. සැමටම එක ලෙස ගමන් කල හැකි පොදු ප්‍රවාහන සේවයක් තුළ මෙවැනි අකටයුතුකම් සිදු නොවිය යුතුය. මෙමගින් සිදු වන්නේ දුම්රිය ප්‍රවාහන සේවාව මිනිසුන්ට එපා කරවීමකි. එබැවින් මිනිසුන්ගේ ආකල්ප වර්ධනය කළ යුතුය. මෙවැනි මිනිසුන් නිසා අකාලයේ පරව යන බොහෝ ජීවිත අපට හමුවේ. මෙය වෙනස් විය යුතුය.

     ඇතැම් අවස්ථාවල දුම්රියේ ගමන් කරනු ලබන ඇතැමුන් තම ජංගම දුරකථනය ඔස්සේ හිඳ සිටින කාන්තාවගේ ඡායාරූප ගැනීම සිදු කෙරෙයි. කාන්තාව මෙම ක්‍රියාවන් ඔස්සේ කෙතරම් අසරණයට ලක් වන්නේද? ජනමාධ්‍ය හරහා මේ පිළිබඳව බොහෝ සිදුවීම් අසන්නට දකින්නට ලැබෙයි. මෙවැනි අදම පහත් ක්‍රියාවන්ට තිත තැබිය යුතුය. ඒ සඳහා සැවොම එකට පෙළගැසිය යුතුය.

වයි.ජී.විජයසිංහ
HS/2015/1138
(මුද්‍රිත මාධ්‍ය)

රුපියල කෝ...

රුපියල කෝ...

    මුදල් පසුපස හඹා යන යුගයකට වත්මන් මිනිසා පත්ව ඇත. සියල්ලෝම මුදල් වලට කැමතිය. කෑදර ය. එය මිනිස් ස්වභාවය වෙයි. දිවා රෑ මහන්සි වී වැඩකටයුතු කරන්නේ මුදල් රැස් කිරීමට නොවෙයිද? ඒ තරමටම ජීවිතයට මුදල් අවශ්‍ය ය. හුස්ම ගැනීමට පවා අදවනවිට මුදල් අවශ්‍ය කර තිබේ.

      නමුත් වර්තමාන සමාජයේ කෙතරම් මුදල් වෙනුවෙන් අකටයුතුකම් වෙනවාද? අප සියල්ලෝම බස් රථවල ගමන් කරති. කඩයකට ගොස් බඩු බාහිරාදිය මිලදී ගනියි. එහිදී නිසියාකාරව ගනුදෙනු කෙරෙනවා ද? හොඳින් ඇස් යොමු කළහොත් එය සිදුවන්නේ නිසි අයුරින් නොවන බව පැහැදිලි කර ගත හැකිය.

   Smart ජංගම දුරකථනයකින් අන්තර්ජාලයෙ සැරිසැරීමට නම් data අවශ්‍ය ය. ඒ සඳහා විවිධ වර්ගයේ data card වෙළඳපලවල දක්නට ලැබෙයි. එය මිලදී ගැනීමට යාමේදී නිසියාකාරව ගනුදෙනුවක් සිදුවේද? වත්මන් 49,99 වැනි කාණ්ඩ යටතේ data card පවතින අතර එය මිලදී ගැනීමේදී එහි අගය වන්නේ 50/= නැතිනම් 100/= ක් ය. මෙහි ඉතිරි රුපියලට කුමක් සිදුවේ ද? එය කඩහිමියා අතටය.

 වර්තමානය වනවිට ලාංකේය සියලු වෙළඳසැල් තුළ  මෙම ක්‍රියාව සිදු වෙයි. ඉතිරි රුපියල පාරිභෝගිකයන් අතට පත් වන්නේ නැත. එය වෙළඳසැල් හිමියාගෙන් අසන්නට යන්නේද නැත. නමුත් වෙළඳසැලෙන් භාණ්ඩයක් මිලදී ගෙන පාරිභෝගිකයන්ට ඉතිරි රුපියලක් අඩු වුවහොත් එම භාණ්ඩය මිලදී ගැනීමට නොහැකි වෙයි. නැතිනම් වෙළඳසැල් හිමිකරුගෙන් දෝෂාරෝපණයට ලක් වීමට සිදු වෙයි.

      බස් රථයේ ද සිදු වන්නේ මෙවැනිම වූ ක්‍රියාදාමයකි. ටිකට්පත මිලදී ගැනීමේදී රුපියලක දෙකක පරතරයක් තිබුණොත් කොන්දොස්තර මහතා එය ලබා දෙන්නේ නැත. නමුත් අප අතින් රුපියලක් මඟ ඇරුණුවිට එක එල්ලේ  දොස් නගයි. මෙවැනි ක්‍රියාදාමයන් වර්තමානයේ බොහෝ සේ සිදුවෙයි. රුපියලට එතරම් වටිනාකමක් නොදෙයි. එය මුදලක් සේ නොසලකයි. නමුත් ලක්ෂ ගණන් මුදල්වල ආරම්භය සිදුවන්නේ රුපියලෙනි. එමනිසා එහිදී එයට අගයක් එක් කළයුතුය. මෙවැනි මගඩිකම් නවතා දැමිය යුතුය.

මිනිසුන් රුපියලේ අගය නොසලකුව ද තවමත් ජීවත්වීමට නොහැකි රුපියලක්වත් ළඟ නොමැති මිනිසුන් ඕනෑතරම් ලංකාවේ ජීවත් වෙති. එබැවින් මෙම තත්වය වෙනස් විය යුතුය.

 අසාධාරණයට පැවැත්මක් නැත. තම රාජකාරි දේවකාරිය සේ සලකා කළයුතුය. එහිදී පුද්ගලයා සාධාරණ විය යුතුය. "රුපියලනෙ" කියා එය මඟ හැරීම නොකළ යුතුය. රුපියල ද අවශ්‍ය වෙන අවස්ථාවන් ඕනෑතරම් ය. එමනිසා නිසියාකාරව ගනුදෙනු කල යුතුය. එය තමාට මෙන්ම සමාජයට ද කල් ක්‍රියාවකි.

වයි.ජී.විජයසිංහ
HS/2015/1138
(මුද්‍රිත මාධ්‍ය)

නිර්මාණාත්මක රචනා...

(Newspapers creative writings....)
වයි. ජී.විජයසිංහ

ගීතයේ විරහව

ගීතයේ විරහව ...

      මිනිස් සිත රසවින්දනයට කැමතියි. එයට ආදරය කරන්නේය.මේ සඳහා මූලික වශයෙන් යොදා ගනු ලබන්නේ ගීතය යි. මිනිසුන් ගීතයට බොහෝ සේ ඇලුම් කරන්නේ එමඟින් සතුටක් වින්දනයක් ලබා දෙන බැවිනි. ඇතැම්විට තම ජීවිත අත්දැකීමක් එමඟින් කියැවෙන බැවිනි.

      අතීතයේ සිට මේ දක්වා ගීත විකාශනය ගත්කල එහි වෙනසක් පෙනී යයි. වත්මන් ගීතය සහ පැරණි ගීතය තුළ රසවින්දනය දෙයාකාරය. පැරණි ගීතය තුළ වූ වස්තුවිශය රසබර ය. නමුත් වර්තමානයේ නිර්මාණය වන ගීත සියල්ලම එකම ආරක් අනුගමනය කරන එකම වස්තුවිශය යටතේ බිහිවන ගීත වෙයි. මෙයින් බොහෝ ගීතවල අසන්නට ලැබෙන්නේ අඳෝනා ය. පෙම් කතා මුල් කරගෙන බිහිවෙන වර්තමාන සෑම ගීතයකම අන්තර්ගත වන්නේ තරුණිය දමා තරුණයා විසින් ගැයෙන විරහ වේදනා ගීතයන් ය. නිර්මාණකරුවන් එකදිගට මෙකී තේමාව මුල් කරගෙන කුමන හෝ අයුරින් පද ගැටගසා ගීතයක් කර ඒ හරහා ප්‍රසිද්ධියට පත්වෙයි.

      මෙම ගීත තුළින් ගතහැකි දෙයක් තිබේද? සෑම ගීතයකම පද බැදුම සමානය. ගුවන්විදුලිය තුළ රූපවාහිනිය තුළ අසන්නට දකින්නට ලැබෙන්නේ ගායකයා විසින් කඳුළු පෙරමින් අඩමින් ගයනු ලබන ගැයුම් ය. මේ තුළ රසවින්දනය කිරීමට ඇති දෙයක් නොමැත. නමුත් මෙම ගීතවලට ඇබ්බැහි වූ පිරිසක් ඇත. ඔවුන් ඉලක්ක කරගෙන මෙකී ගීත එකපෙළට නිර්මාණය වෙයි. සමහර ගීත තුළ වැලපිම උපරිමයට ගොස්ය. අසන්නන්ගේ පරිකල්පනය හීනවීමට මෙවැනි ගීත බලපායි.

     වත්මන් තාරුණ්‍ය ගීතයක් කියූ සැනින් එය විරහ ගීතයක් විය යුතුය යන මානසිකත්වය ගොඩනගා ගෙන ඇත. ලාංකේය ගායකයින් සියලුදෙනා පාහේ අනුගමනය කරනු ලබන්නේ මෙම රීතිය වෙයි.

      ගීතයක් කෙතරම් අලංකාරයට පද බැඳුම් කළහැකි ද? ගීතයක් මඟින් මිනිසෙකු සමාධි ගත කල හැකිය. තැන්පත් මිනිසෙකු බවට පත් කළ හැකිය. නමුත් නූතන ගීතය ඔස්සේ මෙය සිදු කල හැකිද ? වත්මන් ගීතය තුළින් මිනිස් හැඟීම්වලට කතා කල හැකිද? ඒ තුළ ඇත්තේ යම් ආකාරයට පලිගැනීමකි. ප්‍රේමය හේතුවෙන් තරුණයා මරණයට ලක් වෙන අන්දමේ හරසුන් අර්ථයන් ය.

   වර්තමාන ගීතය වූ කලී ඇඩීමකි. වැලපිමකි. ඉන් එහාට සිතන්නට වත්මන්

නිර්මාණකරුවන්  උත්සුක නොවෙයි. මේ අනුව නව ගීතය අවධානමකට ලක්ව ඇත. ගීතය මිය යාමේ තර්ජනයට මුහුණ පා ඇත. ඉඳහිට රසබර ගීතයක් ඇසුණ ද එය කලාතුරකිනි. ඇතැම් ගායකයින් විසින් නිර්මාණය කරන සෑම ගීතයක්ම එකම තාලයකට අනුව ගැයේ. නැතිනම් විදේශීය ගීතයකට සිංහල වචන කවා එය තම ගීතයක් ලෙස එළි දක්වයි. මේ වූ සියලු දෑ තුළ අන්තර්ගත වන්නේ එකම දෙයකි. එනම් විරහවයි.

     මෙම තත්වය වෙනස් විය යුතුය. එනම් නව ආකාරයට සිතන්නට යොමු විය යුතුය. සාම්ප්‍රදායිකත්වයෙන් බැහැරව පරිකල්පනය වර්ධනය වන ගීත නිර්මාණය කල යුතුය. ගීතයක් යනු වැලපිම නොවෙයි. ඒ සඳහා අගයක් දිය යුතුය. එහෙත් වත්මන් ගීතය තුළ ආදර්ශ නොමැත. පැරණි ගීත තුළ ආදර්ශ ගැබ්වී තිබුණි. එමනිසා මෙකී තත්වය වෙනස් විය යුතුය. ඒ සඳහා ක්‍රියා කල යුතුය.

වයි.ජී.විජයසිංහ
HS/2015/1138
(මුද්‍රිත මාධ්‍ය)

Visual සංස්කෘතිය

Visual සංස්කෘතිය 

   ලෝකය දියුණුය. නිර්මාණාත්මකය. ඒ අනුව නූතන සමාජ මිනිසා නව නිර්මාණ බිහිකිරීමට යාමේදී තාක්ෂණයේ අතවැසියකු බවට පත්ව එහි සහාය පතයි. ඒ අනුව සංගීතය නිර්මාණය වෙයි. පැරණි කවිය රසබර ය. අරුත්බර ය. සමාජය දියුණු වත්ම කවිය බාල විය. තරුණ පිරිස කුල්මත් කිරීමට වර්තමානයේ කවිය නිර්මාණය වෙයි. නමුත් අතීතය වෙනස් ය. එනම් අතීත කවිය හුදෙක් අර්ථවත් පද බැදුමකින් සමන්විත විය. 

   මෙකී කවියට අද දවස වනවිට නිර්මාණකරුවන් රාශියක් අයිතිවාසිකම් ගොඩනගා ගනියි. වර්තමානයේ field එකට එන්නට නම් music vedio එකක් කරන්න ඕන කියන තැනට මනස හැදිලා අහවරයි. ඒ තරමට නූතනයේ visual කියන වචනයට අගයක් එක් වී ඇත. Music එක සමාගම ඒ සඳහා නිර්මාණය වූ දර්ශන රූප පෙළක් ප්‍රෙක්ෂකයා හමුවට ගෙන ඒමට එකී නිර්මාණකරුවා ක්‍රියා කරයි. ප්‍රෙක්ෂකයා පරිකල්පනයන් ගොඩනගා ගන්නේ එම visual එක හරහාය.

    ජනප්‍රිය සංස්කෘතිය මෙරටට මුහුණු වීමත් සමඟ music සඳහා visual එකක් කිරීම අනිවාර්ය වුණි. Visual එකක් නැත්නම් එය අංගසම්පූර්ණ නොවේ යන මානසිකත්වයක් නිර්මාණකරුවාට මෙන්ම ප්‍රෙක්ෂකයා ද සිතීම සාධාරණය. ඒ තරමටම ජනප්‍රිය සංස්කෘතිය මෙරට ගිලගෙන හමාරය. 

     මෙරට ඇතැම් vedio බැලීමට තරම් දෙයක් නොමැත. උසස් music vedio නැතුවාම නොවෙයි. නමුත් එය අල්ප ප්‍රමාණයකි. සමහර music වල music එකට වඩා visual හොඳය. ඉන් අනෙක් පැත්ත ද දක්නට ලැබෙයි. ඇතැම් visual බැලීමට නොහැකි තරම් අසභ්‍ය ජනකය. මෙහි අරමුණ වැඩි ප්‍රෙක්ෂක ජනතාවක් ඒ සඳහා ආකර්ශනය කර ගැනීමයි.  නැතිනම් Youtube එකතුළ ratings හදා ගැනීමයි. මෙවැනි දැ කිරීම තුළ ප්‍රතිඵලයක් තිබේද? එය අද්‍යනය කළයුතුය.

  පැරණි ගීතය මිහිරිය. සුසර ය. ඒ තුළ වැඩි දර්ශන රූප යොදා ගැනීමක් සිදු නොවුණි. ආසන්නා විසින් තම පරිකල්පන ශක්තිය අනුව ඒ සඳහා සිදුවීමක් ගොඩනගා ගනියි. නමුත් වත්මන් ගීතය මෙවැනි ක්‍රියාකාරී බවක් නොමැත. 

    වත්මන් කවිය තරුණයා ඉලක්ක කරගනී. ඔවුන්ගේ ආකල්ප අනුව එය නිර්මාණය වෙයි. එහිදී ඒ සඳහා ඔබින visual එකක් music එක සඳහා යොදා ගැනීමක් දක්නට ලැබෙයි. බොහෝ ජනප්‍රිය ගීතවල visual එක ගීතයට ගැළපීමක් නොමැති ප්‍රවනතාවකට පත්ව ඇත. අදවන විට music එකක් නිර්මාණය කලහොත් කුමන හෝ visual එකක් කඩිනමින් කර එය සමාජ ගත කිරීමේ යුහුසුළු බව හේතුවෙන් එකී ඉරණම අත්ව තිබේ. 

   ඇතැම් music සඳහා නිර්මාණය වන visual ජනප්‍රිය වීම සඳහා රාගිකත්වය උපයෝගී කරගෙන ගොඩනැගේ. තරුණ පිරිස් මේ සඳහා යොමු වන්නේ music එක බැලීමට නොව visual එක බැලීමට ය. සාමාන්‍යයෙන් අද music එකක් මතක තබා ගන්නේ ගීතෙන් නොව visual එක හරහාය. ඒ තරමටම වර්තමානයේ visual එක උන්මාදනීයයි. දවසකට ගීත බොහෝ ප්‍රමාණයක් හැදෙන අතර ඒ සඳහා හැදෙන visual ප්‍රමාණය ද ඉහළ ය.

     සමාජය විවිධාකාරය. එහිදී වට්ටෝරුගත මිනිසුන් ජීවත් වෙයි. මොවුන් සියල්ලටම එක සේ බැලිය හැකි හරවත් දේශීය ගණයේ music සඳහා visual ගොඩනගා ගැනීමට නිර්මාණකරුවා වගබලා ගත යුතුය. කෙසේ වෙතත් visual සංස්කෘතිය ලෝකය ගිලගෙන හමාරය. අප ද එහි අතකොලුවක් ය. එයට කම් නොමැත. සිදුවිය යුත්තේ හැඟීම්වලින් නොව බුද්ධියෙන් සිතා සැමටම රිසිවන අලුත් visual එකක් රසිකයා හමුවට ගෙන ඒමයි. 

වයි.ජී.විජයසිංහ
HS/2015/1138
(මුද්‍රිත මාධ්‍ය)